U kategoriji od petog do osmog razreda OŠ, Luka Buš iz VIII.B razreda creske škole, pod mentorskim vodstvom Mladenke Kučić, dobio je drugu nagradu za rad "Za muku Isusovu".
Za muku Isusovu
Jenoga dana po letu šel sen već moju pranonu. Prišel sen kol nje jušto kada je prontevala obed, maneštru do biži špakane zes kobasicu.
Posel sen se, popil sen soka i poćakulal zes nju, a onda kako i vavek, po dobroj staroj užance, zel sen mobitel v ruki. "Muko Isusova, Luka, ma ce to delas? Ce bubaš po ton?", gjedala je i inkantala se kako mobitel sope, kako promenjuje kolori. Indroman je, sama zes sobu ganala: "Muko Isusova, kan gre ovoh svet kada ovakova mala škatulica more sost i svetlit?“ Ja sen ju pital: "Ma ce to Vi ćakulate, ce je ota muka Isusova da ju indroman spominjate? Ja se solo igran zes mobitelon, a vi spominjate muku Isusovu." Špjegala mi je da stari judi to tako receju kada vidiju neš ce nisu maj videli, oli kada se neš čudiju. Ja sen joj lepo rekel: "Ma nona, to ni nikakovo čudo, to je solo mobitel." Ponutila mi je obed, a ja sen joj lepo odgovoril: "Nona, za muku Isusovu ne vojin ja otu zelenu maneštru!" Nasmela se, bahnula me i lepo pozdravila.
To je bil zadnji put da smo se videli. Malo pokle toga šla je kol Isusa koga je vavek zazivala i spominjala va svojih molitvicah. Još i deneska va ušijah čujen moju pranonu, ku sen sila štimal, kako mi govori: "Za muku Isusovu, Luka, pusti otoh mobitel!"
Dodajmo i da je treću nagradu u kategoriji od V. do VIII. razreda dobio Mihael Ribić iz OŠ Marija Martinolića u Malom Lošinju, pod mentorskim vodstvom Barbare Karčić-Pozerina, za rad "Lijepa noć".
Iz creske škole još su sudjelovale osmašice Madlen Badurina s radom "Ruke" i Ana Sučić s radom "Muka Isukrstova".
